Irmáns, amigos e compañeiros de Couso presentan un documental e anuncian unha concentración diante da embaixada de EE.UU.
Irmáns, Amigos e Compañeiros de José Couso, o cámara de Telecinco morto no 2003 mentres filmaba a entrada das tropas estadounidenses en Bagdad, en Iraq, presentaron onte o documental 'Xornalismo ferido, feridas que non pechan', e anunciaron unha nova concentración fronte á embaixada de EE.UU en Madrid o 8 de outubro ás 20.00 horas para esixir "xustiza".
Segundo explicou a asociación, no documental descríbese como a morte de Couso supuxo "unha ruptura para o xornalismo de conflitos", e, desde entón, poucos medios queren enviar aos seus profesionais a lugares complicados e que revistan certas características, de modo que as fontes de información se reduciron ás oficiais.
'Xornalismo ferido, feridas que non pechan' inclúe o testemuño de familiares e amigos do cámara de Telecinco, como o da súa nai, Maribel Permuy, o dos seus irmáns, Sabela e David; o dos seus amigos Daniel e José Manuel Chillarón; ou o dos seus compañeiros e amigos en Bagdad, así como algunhas das imaxes inéditas que filmou.
O documental estrearase o xoves 25 de setembro ás 22.30 horas, e poderá verse tamén o sábado 27 setembro ás 14.30 horas, o domingo 5 outubro ás 18.00, o luns 6 outubro ás 10.30, o venres 10 outubro ás 16.00 e o martes 14 outubro ás 16.00 horas.
EUROPA PRESS
MADRID
'Xornalismo ferido, feridas que non pechan' inclúe o testemuño de familiares e amigos do cámara de Telecinco, como o da súa nai, Maribel Permuy, o dos seus irmáns, Sabela e David; o dos seus amigos Daniel e José Manuel Chillarón; ou o dos seus compañeiros e amigos en Bagdad, así como algunhas das imaxes inéditas que filmou.
O documental estrearase o xoves 25 de setembro ás 22.30 horas, e poderá verse tamén o sábado 27 setembro ás 14.30 horas, o domingo 5 outubro ás 18.00, o luns 6 outubro ás 10.30, o venres 10 outubro ás 16.00 e o martes 14 outubro ás 16.00 horas.
EUROPA PRESS
MADRID