O galardón, Ás ceibes, realizado por Manuel Patinha.
O premio
O Colexio Profesional de Xornalistas de Galicia e o Club de Prensa de Ferrol crearon o Premio José Couso de Liberdade de Prensa en memoria do cámara ferrolán José Couso, disparado no Hotel Palestina de Bagdad o 8 de abril de 2003, mentres cubría o conflicto bélico en Iraq para os informativos de Tele 5.Os organizadores queren personalizar na figura de Couso a todos aqueles xornalistas, galegos ou non, que cada ano son asasinados, maltratados ou privados dos seus dereitos como persoas e como informadores.
O obxectivo deste galardón, consistente nunha estatuiña do escultor Manuel Patinha titulada Ás Ceibes, é recoñecer e difundir o traballo dunha persoa viva ou organización existente destacada na defensa da liberdade de prensa ou cunha salientable traxectoria profesional, libre e independente.
A Obra Social 'la Caixa' promove o premio, mostrando un apoio decidido para continuar coa iniciativa, na que tamén colaboran a Xunta de Galicia, o Concello de Ferrol e a Galería Sargadelos da mesma cidade.
Presidente do Xurado: Xosé Manuel Pereiro
Vicepresidente do Xurado: Xan Morales Somoza
Secretario de Organización: Darío Janeiro
