O cuarto certame 'Somos Esenciais', convocado baixo o lema A información ao servizo da xente polo Colexio Profesional de Xornalistas, en colaboración con Gadis, recoñecerá o traballo xornalístico máis salientábel sobre temática social en Galicia no 2023. O premio está dotado con 1.500 euros e un diploma acreditativo. 

A nova edición da bolsa 'Nacho Mirás', organizada e desenvolvida polo Colexio Profesional de Xornalistas de Galicia e patrocinada por Abanca, continúa co obxectivo de apoiar proxectos xornalísticos de novos e novas tituladas en Ciencias da Comunicación ou Xornalismo. O proxecto conta tamén coa colaboración da Facultade de Ciencias da Comunicación da USC.