Colexio Profesional de Xornalistas de Galicia

• Acceso exclusivo colexiados/as
• O Colexio
  • Organigrama
  • Historia
  • Discurso toma de posesión decano
  • Funcións e competencias
  • Que facemos
  • Imaxe corporativa
  • Lei de creación
  • Estatutos
  • Código Deontolóxico do Xornalismo Galego
  • Regulamentos
• Asesoría
• Documentación
  • Comunicados
  • Lexislación
  • Publicacións
  • Recursos
• Como colexiarse
• Servizos e Convenios
• Subscrición ao
• Premio José Couso
• iPROX
• Novidades
  • Axenda
  • Novas
  • Avisos
  • Cursos
  • Enquisas
• Dosieres
• Guía da comunicación
• Ligazóns
• Foros

PROHIBIRÁ DIFUNDIR IMAXES DE AXENTES TRABALLANDO SE OS PON EN RISCO OU Á SÚA OPERACIÓN

Interior acoutará a difusión en internet de imaxes que danen a policías

[19/10/2012] Interior quere impedir que internet volva alagarse de fotos e vídeos de policías de cara, perfectamente identificables, en cargas policiais, rexistros ou outras operacións, que logo poidan ser obxecto de escarnio nas redes sociais ou de acoso no ámbito privado.

Para iso está estudando modificar a lei de Seguridade Cidadá para prohibir "a captación, reprodución ou tratamento de imaxes, sons ou datos de membros das forzas de seguridade no exercicio das súas funcións cando poidan pór en perigo a súa vida ou en risco a operación que están desenvolvendo". Pero iso non quere dicir, como insistiron esta tarde fontes do ministerio, que se pretenda coartar a liberdade de expresión dos medios de comunicación nin impedir o traballo dos camarógrafos na vía pública en, por exemplo, unha carga policial como as do pasado 25-S xunto ao Congreso.

O proxecto anunciouno este xoves o director xeral da Policía, Ignacio Cosidó, quen subliñou que a intención do cambio legal en estudo é "buscar un equilibrio na protección dos dereitos dos cidadáns e dos das forzas de seguridade". O que non precisou é como se pode vetar a difusión de imaxes de policías (nin de ninguén) na anarquía das redes sociais nin como se fai ese equilibrio. O anuncio fíxose público nun encontro coa Central Sindical Independente de Funcionarios (CSI-F), a Confederación Española de Policía (CEP) e a Confederación Europea de Sindicatos Independentes (CESI) para analizar as consecuencias da crise no traballo das forzas de seguridade.

A medida, segundo Cosidó, pretende protexer a intimidade persoal e familiar dos axentes e garantir o dereito á súa honra e imaxe e coa que o Goberno, dixo, "dá un paso á fronte" para dotar de máis seguridade o traballo da Policía "desde a legalidade e o estrito cumprimento do Estado de Dereito".

Interior precisou que existe "un documento de traballo, aínda en estudo e sen que haxa unha decisión en firme de modificar a lei" para acoutar a divulgación desas imaxes. "Non se trata de pór límites á liberdade de expresión, senón de evitar que os axentes corran riscos no exercicio das súas funcións pola difusión da súa imaxe", explicaron fontes de Interior. É dicir: "Non pretendemos que a prensa non poida facer o seu traballo, que tome imaxes de cargas policiais ou outras actuacións, pero entendemos que en operacións antiterroristas ou en contra das mafias hai que ter un criterio de maior coidado ao difundir as imaxes".

De xeito máis preciso, fontes policiais aseguraron que o que se pretende é "evitar o linchamento nas redes" de axentes que puideron ser identificados. En ambos os casos coincidiron en citar o exemplo dos Mossos d'Esquadra de paisano identificados nas protestas do 29-M en Barcelona (aos que se chamou "infiltrados" e algúns de cuxos nomes e apelidos correron polas redes), cuxos nomees e caras difundíronse polas redes. Tamén citaron o exemplo de policías identificados en operacións antiterroristas que quedaron queimados e tiveron que ser cambiados de destino e de residencia pola presión da kale borroka (vandalismo terrorista) sobre eles e as súas familias. Sobre os policías cargando non houbo unha resposta precisa.

Pero, "como se pode determinar e avaliar se a reprodución dunha imaxe vulnera os dereitos dun policía ou pon en perigo unha operación?", preguntouse tras coñecer a medida José Manuel Sánchez Fornet, secretario xeral do Sindicato Unificado de Policía (SUP). "Iso está en estudo", insistiron en Interior, "pero sempre haberá unha físgoa legal para que iso poida facerse".

As citadas fontes admitiron a dificultade de facer efectiva a prohibición nas redes sociais. "Sempre haberá un rastro para chegar á identificación de quen lanzou esas imaxes", dixeron. Pero ao citarlle un exemplo fácil e ao uso para borrar un rastro, como o crear unha conta ficticia e efémera -de Twitter, de Youtube ou outra rede social-, pensada só para colgar unha imaxe e vídeo para o seu rebote masivo polas redes, a resposta foi esta: "Bo, iso é posible, e ocorre, pero o que haberá que facer é polo na lei, se se pon, e logo regular como se pode facer efectiva a medida".

EL PAÍS
MADRID

Policías reducen a un manifestante durante o 25S. (Foto: Sergio Pérez (Reuters))

Outras novas